張振朗恨幫動畫配音:搵錢梗係好!

2021年05月03日 12:45
東網電視
更多新聞短片
張振朗覺得配音唔簡單。
藝人張振朗早前參與錄影節目《好聲好氣》演出,昨晚他代表該節目亮相《開心大綜藝》宣傳,期間表演急口令,獲得全場掌聲。談到配音的咬字等問題,振朗表示:「記得我演《愛.回家》第2輯時,被批評咬字唔正,因此瘋狂糾正自己。其實配音真係好難,唔可以有身體動作發出聲響,亦都要憑把聲表現晒所有,包括起身等。」振朗直言錄《好》時,被同場朱敏瀚發現「面都青埋」,難怪完成所有錄影,他有感如釋重負:「入行後冇參加過比賽,或者選秀節目,今次真係好緊張。(想唔想真係試吓做配音?)搵錢梗係好,希望有機會為動畫電影配吓音。」
另外,黃建東再次反串,當陳展鵬獻唱《義海豪情》時,他扮演「九姑娘」鄧萃雯突襲殺死泰臣,令全場忍俊不禁。他直言事先保密,殺對方一個措手不及,演出後他亦拍下自己的造型留念。