梅媽胃抽筋入院：打針鬆弛！

現年97歲的梅艷芳母親覃美金因胃病入院，她接受訪問時表示：「冇事，只係少少胃痛，胃抽筋囉，以前都試過，醫生話休息兩日，要食胃藥，胃抽筋久唔久都有，今次抽得犀利，要打針鬆弛，依家好番好多啦，要煮爛啲嘢先食，但好攰，要瞓覺。」其實梅媽去年曾因心臟問題入院，進行通波仔手術。