劇接劇捱唔住！姜麗文生蛇似畀火燒

藝人姜麗文最近劇接劇忙過不停，剛完成拍攝《白色強人II》，又即將要為《雙生陌生人》開工，不過近日佢就自爆捱唔住，不幸病倒「生蛇」！佢喺社交網發文透露病況：「生蛇，好痛呀。雖然我嘅日常生活算係好健康，早睡早起，唔煙唔酒，經常做運動...但係今次（第一次）生蛇，令到我發現無論生活幾健康都好，如果有壓力真係必需要休息同對自己好啲，好彩今日睇咗醫生，希望食完藥快啲好番啦！真係好痛，好似被火燒嘅感覺...提提大家，忙還忙，繼續努力工作！但亦都要記住錫自己，同埋需要休息嘅時間就好好休息啦！」