【繼吊帶誘惑後】高海寧變索爆「小鳳姐」床上騷美腿

無綫咪神高海寧（高Ling）近年香港大陸兩邊走，最近佢又北上掘金，現正喺酒店隔離！一個人孤零零對住四面牆咁悶，梗係要搵啲嘢做吓啦，繼日前佢着上吊帶衫晒肩隔空誘宅男後，今次佢再晒出床照！着上「小鳳姐」波點裙嘅佢坐喺床上勁晒長腿，加埋個烈燄紅唇非常誘人！而另一張佢就滲出自然美，傻大姐上身露出燦爛笑容，展現另一面，同樣電死人，雖然佢話「hold不過3秒?」，但網民就話「不用3秒，1秒已經讓我着迷??」！