肌男變肥佬!麥克華堡韋史密夫增肥血淚史

2021年05月04日 10:29
東網電視
更多新聞短片
兩大荷里活巨星麥克和韋史密夫做乜搞成咁?
荷里活男星麥克華堡(Mark Wahlberg)出名係大隻佬,不過49歲的他最近為新片《Father Stu》瘋狂增磅變大肥佬!
過去3周狂增磅的麥克今日於社交網站貼相騷成果,他留言說:「從3星期前到依家。多謝Lawrence D廚師烹飪。」照片曝光後,一眾粉絲即取笑他的新造型,其中有粉絲留言說:「我食完3個Wahlburger(麥克與兄弟的漢堡包店)漢堡包之後就會咁嘅樣。」不過亦有粉絲大讚他肥了同樣咁型。
查實目前麥克仍未達到體重的目標,他受訪表示未來6星期要增多30磅。而他定下增肥大計就是食好多漢堡包以及麵包來增磅,雖然有營養師協助增磅,不過他表示想盡量食得唔健康。
除了麥克之外,另1荷里活男星韋史密夫(Will Smith)近期亦為新片增肥。今日52歲的他亦於社交網站騷成果。照片中赤膊的他騷大肚腩。他表示自己已達有史以來的體重頂峰:「人生中最差狀態。」有粉絲留言激讚他的新look:「講真,你52歲已算好睇。」