隋棠被盜用肖像宣傳淡斑霜　霸氣以正視聽：我愛雀斑！

台灣名模隋棠雖然已做咗人阿媽，因為Keep得靚，係圈中公認嘅美魔女！不過近日就有不法之徒，盜用佢肖像宣傳淡斑霜，嬲到佢即時喺社交網以正視聽。佢留言：「最近有個非常囂張惡劣來路不明的美白淡斑霜詐騙，盜用我超多照片說是我推薦，大家千萬不要被騙哦！我喜歡我的雀斑！」隋棠又晒出多張素顏相，張張相都勁多雀斑，但依然無損佢個靚樣，佢仲講笑話真係辛苦Blur走佢雀斑嘅人，因為好大工程。