林盛斌兩個女煲劇爆喊 細仔撩鼻屎搶晒鏡

2021年05月04日 12:26
東網電視
更多新聞短片
藝人林盛斌(Bob)同老婆育有3女1仔,一家六口幸福快樂,呢日仔女喺屋企睇戲,但睇睇吓,劇情感動到二女同三女忍唔住喊,大女即刻拍低呢個畫面,見到三女熱淚盈眶,眼淚大粒到好似豆咁滴落嚟,而二女就怕醜咁用張被遮住自己個樣,呢個時候鏡頭仲捕捉到喺隔離嘅細囝趴喺到撩鼻屎,成功搶鏡!
Bob發文謂:「人之初,性本善。雖然佢哋只係得幾歲,但係睇一啲好慘嘅戲,都會留下真摯眼淚,唔知點解,我都好感動。不過細佬只係沉醉喺自己撩鼻屎嘅世界......」不失佢一貫搞笑風格!圈中好友同網友紛紛留言,大讚小朋友心地善良兼有同情心,仲遺傳咗爸爸嘅演戲基因,又大讚囡囡喊緊都好靚女!