帶阿仔趕飛機為見小鮮肉？Baby現身蒲音樂節

內地小生黃曉明與老婆Angelababy屢傳婚變，近年都係見Baby時不時就帶住囝囝「小海綿」做嘢同搭飛機，早兩日佢就被拍得拖住行李現身內地機場，不過唔知係咪預唔啱時間，佢忽然加緊腳步跑去登機，而身邊有位小朋友拖住自己個小行李跟住跑，粉絲先發現原來阿仔都喺現場。

正當網友以為Baby係去工作，點知原來佢係去咗一個音樂節，見佢身邊未見有小海綿，反而係同幾位好姊妹同行，佢仲換上一身純白吊帶裙，化上淡妝現身，冇遮冇掩咁出巡，即被網友晒出多張偶遇嘅靚相，更有網友爆料指佢現身嘅時間就係大陸偶像王琳凱（小鬼）表演時間，二人曾合作綜藝節目，未知完騷後二人有冇相約見面呢？