【一雪前恥】馮盈盈配音獲汪明荃大讚又喊過

2021年05月04日 20:11
東網電視
更多新聞短片
藝人馮盈盈與何廣沛落力演出節目《好聲好戲》,但二人於首集表現卻「差天共地」!盈盈聲演《宮心計》小女孩辭別母親一幕流出真眼淚,被劉江及汪明荃大讚,事後她正式與觀眾見面時,更喊甩假睫毛。她受訪表示:「好開心被讚,尤其係阿姐(汪明荃)話我字正腔圓,真係有一雪前恥嘅感覺,冇白費我呢幾年用盡方法去改善自己嘅懶音問題。出台前本來我冷靜咗情緒,但聽到咁多人嘅鼓勵,我又再次喊出嚟!」她不諱言事前做足準備工夫,覺得配音時哭出來可以更配合到情緒,又預告今晚的另一場表演同樣被讚「眼前一亮」,希望粉絲繼續留意。
反觀何廣沛聲演劉江於《平安谷之詭谷傳說》狂掌摑蘇玉華的一場戲,但卻被一眾評判狠批「甩嘴兼手軟腳軟」,他受訪坦言:「好緊張,當時唔清楚點樣用自己嘅能力去配音,加上準備不足,表現大失所望。劉老師嘅狠批係啱嘅,我反而感激眾評委講出專業嘅評語,好似袋錢入我個袋咁。大家繼續留意啦,我係有進步空間嘅。」