為比賽改懶音內分泌失調 馮盈盈連續3星期嚟M

2021年05月05日 09:48
東網電視
更多新聞短片
無綫節目《好聲好戲》最新一集到馮盈盈、何廣沛、易宇航接受配音考驗。盈盈要配劇集《鬼同你OT》被譽為神同步的一段戲,她配得相當投入、落力,表演不俗,結果獲5位評判評合格、2位不合格。主評判劉江指她死背稿,所演繹的是自己,並不是為角色配音。給予合格的汪明荃直言有加感情分,覺得她很努力,應給予鼓勵。
主評判之一的陳欣原來在訓練班曾教盈盈發音及矯正懶音,他說:「當時佢經理人問我,盈盈啲懶音係咪冇得救,當時的確係好嚴重,我話要睇佢努力。依家會用4個字,『匪夷所思』形容佢嘅進步,未見過咁嚴重,可以有依家嘅進步。」另一專業評判亦讚她雖然感情未足夠,但表現也眼前一亮。
盈盈被問到怎樣改善懶音?她爆喊說:「首先要認清自己嘅問題,訓練班之後上咗一個正音班,發現自己條脷喺口腔擺位有問題,然後搵咗個言語治療師,佢直情篤住我條脷逐個字去矯正懶音。參加比賽之前再搵咗個配音老師教我,參加比賽真係好緊張,緊張到失眠、喊、內分泌失調,我已經連續3星期嚟M,都唔知點算,已經去咗睇醫生。」
何廣沛則配《義不容情》的一段,表演在3人中最差,有4個評判給予不合格,只有3個合格,被指配音甩了口形,又用錯語氣,阿姐則指他吐字不清楚,要學習控制聲線。他承認表現差,多謝大家直接批評。馮盈盈壓力大到內分泌失調,何廣沛亦直言自己失眠:「盈盈當然辛苦,我自己嘅壓力都好大,因為我係比較後嘅時間先知要參與,唔係咁夠時間準備,搵片都有啲卡住,因為有好多都畀人揀咗,錄嘅時候好似啱啱入行拍劇咁,前一晚瞓唔着,同埋我頭兩個配音都係一啲比較激動嘅場口,練咗2日,又唔識養聲,所以正式錄嘅時候都聲沙沙,表現好失準。」
今集表現最好的要數「鬼佬」易宇航配《流氓大亨》萬梓良的一段,除了汪明荃評價不合格,其餘6位評判皆給予合格,指廣東話不是他的母語,有這樣的表現已經好好。
而盈盈事後再網上發長文及上載比賽前照片,見她好用心準備,相當認真,她直言當年看見觀眾評論,才知道原來自己說話有懶音:「當時但其實我當時連何謂正音?何謂懶音?都傻傻分不清懶。」她感激老師們的教導,由「冇得救」變成有「匪夷所思」的進步!