魯振順恨生B！網民幫手諗叫咩名：魯萊德梓、魯兒彌堅

資深演員魯振順早前自爆婚訊，近日仲透露明年10月會喺主題樂園舉行婚禮迎娶圈外女友Julie，雖然佢已經6字頭，但對生B依然有心有力，女友亦為完成愛人心願試以中藥調理通經，希望可以一擊即中！

而一眾網民都好支持呢對「黃昏戀」情人，仲好貼心、眾志成城咁幫佢哋諗定BB叫咩名好，例如有網民話男仔就叫「魯豆」、女仔就叫「魯毛」，另外仲有一堆後選名，包括「魯萊德梓」、「魯細」、「魯友」、「魯兒彌堅」、「魯筋」、「魯恭」、「魯實」、「魯玉范」等，全部名都係玩諧音，簡直創意十足！唔知魯振順同女友睇到會唔會得啖笑，又或者佢哋真係會考慮呢啲名呢？