英國返港改8次機票！吳家樂預告隨時回歸《愛．回家》

藝人吳家樂當爸後家庭觀念甚重，可能的情況下都想一家五口聚在一起。月前他與太太一起送3名子女返英國繼續學業，期間遇上疫情大爆發滯留當地一段時間，日前他終於返港並完成隔離，現身宣布正式復工！談到今次返港相當轉折，他表示：「淨係改機票改咗8次，我哋係先飛杜拜隔離21日，再飛返香港再次隔離，係花多咗少少時間，但最緊要係平安。其實小朋友最終都跟我哋返晒嚟，佢哋喺身邊我冇咁掛心，依家網上上課先，我哋同學校保持緊密聯繫。」

談到小朋友「被困」多時，家樂謂：「好彩佢哋都唔鍾意周圍去，喺英國時我叫佢哋落街，佢哋都唔想。依家喺屋企上堂之外，佢哋咪砌吓積木、打吓機咁。（你幾時回歸《愛．回家之開心速遞》？）佢哋寫緊劇本喇，但要等同埋鋪排，咁我依家咪宣傳吓《逆天奇案》等，上吓節目熱吓身咁囉。」