逼得自己太緊？黃智雯上天台放空

無綫花旦黃智雯之前喺社交網晒過琴技，再加上舞功了得，被網民大讚佢擁有十八般武藝。練所有嘢都要時間、心力同體力，有時真係會令人喘不過氣！佢就喺社交網上載到天台放空嘅靚相，又留言：「喺瘋狂排練過後，心臟同心靈都需要寧靜一下，療愈的天台！」唔少網民都叫佢放鬆啲，唔好逼得自己太緊！