移居上海近1個月！張文慈周圍打卡原來有苦衷

藝人張文慈（Pinky）移居上海接近1個月，一切倘在適應中，不過甫安頓後她便立刻「履新」，向所屬直播公司報到，首要任務是登上遊艇，在黃埔江中進行直播！她表示：「感覺好新鮮，當地夜景真係好靚，不過當日我忙爆兼心情相當緊張，加上覺得自己嘅普通話仍然唔夠用，未開始時都有心情影咗幾張相留念，後來除咗工作就兼顧唔到咁多，粉絲到場我都冇乜同佢哋傾偈。」尤幸當日好姊妹繆非臨帶女兒Tiffany到場為她打氣，令Pinky大感窩心。

談到發現她不時於社交網晒相打卡，Pinky解釋：「去咁多地方都係為咗工作咋，要睇景同拍片嘛。其實我嘅更表有休息日，不過依家都要利用埋嚟對稿，同背誦有關直播產品嘅資料，工作比想像中忙碌好多，加上我間中要請假商演搵真銀，生活真係好充實呀。」