吳偉豪捲自慰片風波冇份宣傳　周嘉洛幫口發聲

藝人周嘉洛、蘇韻姿在將軍澳電視城出席《愛．回家之開心速遞》母親節宣傳活動，有疑似不雅自慰片流出的吳偉豪則缺席活動。

周嘉洛與蘇韻姿皆表示有慰問吳偉豪，他說：「有聯絡過佢，想畀啲私人空間佢。（佢情緒點？）近期冇了解過，自己要準備開劇。（暫停佢嘅戲份？）冇聽到呢個消息。（擔唔擔心之後冇咗佢？）我就唔擔心嘅。（會唔會劇情講佢同你一樣離開香港？）世事無絕對，但係未必一講就中。（點睇呢條片？）我個人就覺得個社會有唔同標準，件事交咗畀警方處理，大家可以睇清楚件事先，咁早妄下判斷對佢唔公平，亦希望大家學識互相尊重，畀啲空間佢。」

兩人講到早前在節目《大整蠱》被劉丹踢爆戀情？周嘉洛笑說：「丹爺好鍾意講笑，成日都攞唔同人嚟講笑，講完其實就得啖笑，大家唔好認真，我亦都襯佢唔起，哈哈。」蘇韻姿笑說：「唔敢當，你依家係古代人，我哋有代溝㗎。」

周嘉洛近期離開《愛．回家》拍攝古裝喜劇《痞子殿下》，他說：「希望係暫別，都存在好多變數，當然好掛住《愛．回家》，故事會交代我為咗夢想成真，暫時離開香港。」