呂慧儀爆仔仔使勁多錢掟公仔　劉丹：媽咪大把錢！

藝人劉丹、呂慧儀、滕麗名、湯盈盈在將軍澳電視城出席處境劇《愛．回家之開心速遞》母親節活動宣傳，眾人落手炮製特色涼拌菜式，場面熱鬧。

呂慧儀受訪透露今年母親節會聯同《愛》劇幾位媽媽一起上節目《開心大綜藝》玩遊戲，因此上星期已經與兒子到主題公園慶祝。問到兒子可有送母親節禮物？她笑說：「佢不斷用我嘅錢去掟公仔，然後送畀我，雖然係我嘅錢，仲好貴，但見到佢咁努力去掟，都冧嘅。」劉丹笑說：「媽咪大把錢，唔怕啦，佢有咗女朋友就唔理你喇。」劉丹透露母親節簡簡單單在屋企與太太及子女吃飯慶祝，他說：「小糯米通常會畫畫送畀嫲嫲，唔好講畫得好唔好先，起碼有心，畫得好唔好，我哋都覺得靚。」

講到有疑似吳偉豪的不雅自慰短片流出，劉丹力撐說：「大家呢個時候幫幫手，講多啲安慰說話，後生仔嚟講，呢啲根本唔算係咩，唔好發大嚟講，畀佢冷靜吓，等件事慢慢丟淡，後生仔受唔住呢啲刺激。」呂慧儀表示暫時未見吳偉豪開工的通告，而且事件已交給警方處理，故不作評論。