莫文蔚愈嚟愈愛廣東歌:可能技巧好咗

20210505
東網電視
更多新聞短片
歌手莫文蔚(Karen)日前擔任TVB娛樂新聞台節目《StarTalk》的嘉賓,講到相隔16年再開紅館騷感受,她說:「今次係我最後一次做大型演唱會,我一啟動巡唱已經有呢個諗法,我好快下咗決定,唔會再猶豫,我覺得做每樣嘢都應該有始有終,利落啲!更何況我做咗呢類型嘅巡唱已經十幾年,已經好圓滿。」
對於樂迷認為她過去的廣東作品較前衞,令香港主流市場未能消化,她坦承也有可能:「2001年做《一朵金花》嘅指引係冇限制,諗得出嘅就去做,最後同伍佰老師造咗一張具電子、中樂同搖滾元素嘅專輯。好慶幸喺我嘅音樂旅程中,遇到咁多貴人同合作嘅音樂人,放咗好多可能性喺我身上。當時可能係行得比人前,但依家有新一代聽番20年前嘅歌覺得有型,唔過時,我覺得呢個意義重大!」過去Karen推出國語唱片數量較廣東碟為多,她解釋因之前唱片公司以台灣為基地,而自己亦不執着用哪種語言去唱歌:「不過隔咗咁多年,反而愈嚟愈喜歡唱廣東歌,可能自己技巧都好咗,覺得唱廣東歌冇咁難。」
莫文蔚直言個唱後要改變生活節奏,把時間留給屋企人和老公,加上疫情令她有180度改變:「我以前一味工作,要Keep住好忙先安樂,坐多陣都唔得,自從上年返咗英國過二人世界,開始知道乜嘢叫做享受生活,我會煮吓嘢食、打理屋企同種吓花。最開心係重拾返彈琴嘅興趣,以前為咗考琴同比賽,考晒試就放低咗,其實學習每樣嘢應該係要享受,所以不停咁練習,呢排練咗咁多琴都有用,多謝今次演唱會彈下畀大家聽!」