彭秀慧執導 鄭欣宜演技大爆發

2021年05月05日 22:28
東網電視
更多新聞短片
歌手鄭欣宜(Joyce)的新歌《先哭為敬》MV,飾演一名舞台女演員,正要演出其最後一台戲,請來導演彭秀慧創作及執導,舞台劇演員阿雞(邱頌偉)、中法混血男演員黃寶漳 (Mixson)、陳琬瑜及李文揚等演出,面對如此豐富經驗的班底,Joyce說像參與了一場演技訓練營一樣,既緊張又興奮。
MV劇情她情緒起伏很大外,更需要持槍,對她的演技確是一大挑戰。彭秀慧及阿雞老師均是Joyce的演技訓練老師,正式演出時她就好像面對老師考試一樣,提出很多意見及演繹方法建議,令她緊張之餘又有很大得着,她說:「拍阿雞老師開槍嗰場戲時,大家氣氛都好凝重好緊張,我重要同戲中男朋友Mixson一齊搶阿雞把槍,當時我要大聲吆喝佢,之後聲都沙埋,可想而知當時幾咁激動。其實要喺舞台上面對大班專業嘅工作人員已經好緊張,重要喺兩位老師面前演戲,個感覺就好似讀書大考一樣咁緊張。」彭秀慧說:「我係刻意咁做嘅,因為平時排舞台劇有幾個月時間,但今次拍攝要喺咁短時間做到呢個效果,就好需要非常熟悉舞台演出嘅演員嚟演出。」
《先》MV之所以拍成一個悲劇式愛情故事,緣起於作詞人黃偉文(Wyman)的歌詞,Joyce指出:「好開心可以收到Serrini的Demo,我一直好欣賞佢,因為佢係做緊我一直好想做到嘅嘢,可以隔空同佢合作到,真係好興奮,但最特別係Wyman歌詞,佢將愛情故事寫出好多唔同嘅層次,可以用好多唔同方法去演繹,令到成個畫面好立體好有故事。」彭秀慧亦對歌詞很有共鳴:「首歌主旨係講離別,而喺我最熟悉嘅劇場舞台上,你會經歷人生所有嘅情緒、情感,到有一日你要離開嘅時候,你係會帶住一個乜嘢嘅情緒呢?喺呢個故事入面Joyce飾演一個演員,演出完一個好成功嘅戲,今晚嚟到最後一晚演出,當觀眾好唔捨得佢嘅時候,其實佢比任何人更加不捨。」