【驚】失散姊弟？姜濤竟然同G.E.M.撞樣

人氣王姜濤被粉絲開心大發現佢同「宇宙漿」G.E.M.（鄧紫棋）可能係「失散姊弟」！事緣姜濤所屬嘅組合MIRROR舉行成軍兩周年演唱會，有粉絲貪得意，將佢哋12子全部着白恤衫嗰張演唱會海報改圖成為女圑，全數加咗長髮同化埋韓妹妝，點知「變身」後，女版MIRROR嘅效果相當有驚喜，除咗妝容零違和外，個個都更靚，其中姜濤「女化」後竟然同G.E.M.撞樣。

呢鑊真係畀啲粉絲「一言驚醒洛克人」，睇番姜濤同G.E.M.真身個樣，其實佢哋的確幾似，尤其佢哋嗰對大眼睛，兼有個小豬膽鼻，仲有個尖下巴，只要佢哋唔咧嘴笑，齊齊扮Chok嗰一陣，表情同神韻就會有啲令人傻傻分不清！