林宥嘉囡囡1歲生日隊雞髀　老婆大晒全家福

台灣歌手林宥嘉（Yoga）同老婆丁文琪育有一對仔女，細女Pippi唔經唔覺滿1歲，丁文琪尋晚喺社交網晒出生日會照片，包括囡囡Cute爆相及全家福，非常溫馨，並留言：「我的寶貝，生日快樂。祝你青出於藍???️」Pippi眼仔睩睩勁可愛，更揸住爸爸遞畀佢隻雞髀食，唔少網民都話同哥哥酷比非常似！其實Pippi係4月生日，丁文琪都笑言：「其實生日已經過1個月了啦！」