天不怕地不怕！張栢芝最怕同個仔傾電話

張栢芝自參加完內地真人騷《乘風破浪的姐姐2》後人氣急升，大家都知佢向來天不怕地不怕，但係佢都有弱點，原來栢芝一生人最怕就係幾個仔！佢上另一綜藝節目《讓生活好看》第二季時，即場打電話畀兩個仔Lucas同Quintus，話因為方便佢工作，想佢哋到上海返學，但慘遭雙重拒絕，Lucas講：「No！」Quintus就直接話：「我要收線了！」搞到栢芝好尷尬，佢就坦白話：「我甚麼都不怕，就是怕我兒子！」栢芝仲透露自己講嘢大聲因為耳弱，但唔敢講畀幾個仔聽，因為唔想佢哋胡思亂想。而「#張栢芝和兒子的相處方式」更成熱話，一度登上熱搜榜首位！