蔡思貝清水灣電視城探靈：都幾得意！

藝人蔡思貝今日現身邵氏兄弟出品的節目《鬼上你架車》的記者會，期間被扮女鬼的港姐張盈悅嚇親。思貝透露她是其中一集的嘉賓，要到清水灣舊電視城探靈：「其實都幾得意，如果得我一個人，我唔會夠膽去，入行咁多年都聽唔少前輩分享靈異故事，今次可以親身感受，覺得又驚又好奇。不過我哋冇行入去，唔夠膽，覺得入去唔尊重，唔好踩界，拍完都有跨一跨火盆。拍攝時我都唔敢望入個玻璃入面，當時係夜晚，大家用電筒向入面照。（拍攝時有冇感覺到異樣？）我冇諗，當時好大風，我只係見到不停有架小巴來來回回。」

問到有否遇過靈異經歷？她稱自己想像力較豐富，小時候經常覺得房間角落有對眼望住自己。節目中她要重現她在電影《陀地驅魔人》中的對白：「點解你要嚟搞我。」她回想當年拍戲時扮演鬼上身，覺得很神奇。