Anson Lo露腰晒褲浪 MIRROR騷梅窩片段曝光

2021年05月07日 09:05
東網電視
更多新聞短片
組合MIRROR在九展開騷,眾人輪流出場solo或小組表演,期間Edan自彈自唱《E先生連環不幸事件》,而之前綵排期間曾體力不支暈倒的姜濤就精神不錯,期間唱《蒙着嘴說愛你》時唱到蹲低氹粉絲。至於Anson Kong及Anson Lo合唱《神隊友》則攬頭攬頸及深情對望,大玩HeHe。其後同樣不適的Anson Lo更穿上特別設計的西裝,不停扭動「蛇腰」,騷腰又隱約見到胸肌,期間阿Jer上台與他battle跳舞,Anson Lo即笑出名跳得差的阿Jer是隊中的「舞蹈擔當」。
期間現場播出之前MIRROR入梅窩拍節目的片段,見到Anson Kong、姜濤等人爆喊互攬。之後MIRROR再合體合唱《給自己的信》等曲,隊長Lokman表示:「呢2年半話長唔長、話短唔短,好似4、5年嘅濃縮,中間經歷好多,有開心、唔開心,正面、負面,積極、消極,我哋初初好似牛咁衝,但後尾成熟咗,個個都獨當一面,有自己諗法,但就忽略人哋諗法,所以有矛盾、火花,但正正有火花生命先可以繼續落去!」之們他們登上吊船,升到場館中間,隊友則踢爆姜濤畏高:「姜濤好驚,男人老狗畏高,笑吓啦。」他們又笑言吊船是透明地板:「好抵,好少見到我哋褲浪。」大家唱歌時向粉絲揮手派心,但畏高的姜濤就全程不敢亂動,表情僵硬,隻手沒有離開過欄杆,十分搞笑。但其後姜濤即重拾英姿,solo環節表演彈古箏及跳唱《精舞門》,又大跳椅子舞。
之後到Alton壓軸出場表演talk show的solo環節,自嘲存在感低,笑言有時都忘記自己是成員,又話有次跟媽媽食飯一起睇《Reflection》MV,但媽媽發現不見他,他笑言:「有2.9秒係我同Frankie。」他又自嘲不及其他成員厲害,如不及姜濤多廣告,亦不及Ian多粉絲。他又講到當初有網友取笑他們憑甚麼1首歌就開演唱會,又有網民留言:「3年後仲喺度先同我講」,他表示:「過咗2年半我哋12個人仲喺台上,係因為得到你哋嘅支持同愛護,多謝!我之所以入到MIRROR,花姐話係因為我為大家帶嚟感染力!」
然後MIRROR又合體換上黑白西裝跳唱《IGNITED》,到Encore環節,他們換上T恤、牛仔褲,跳唱《Sugar Baby》等medley,Lokman再發言:「我哋12人上到呢個台唔容易,唔係隨便擁有,有你哋就更唔容易,一直經歷太多,只要捉緊信念,只要你肯相信,到最後一定得!」最後唱出《One and All》,演唱會約在11時半圓滿結束。
騷後經理人花姐接受訪問,大讚他們昨日full dress上陣綵排十分落力:「所以今日都feel到佢哋有啲攰,我會畀60分,可以再好啲,尋日仲好,可能未慣個台,希望去到第6場可以90分。(驚唔驚佢哋體力支持唔到去第6場?)都驚架,其中Edan同Anson Lo病咗要去睇醫生,醫生話佢哋聲帶腫晒,要食藥同唔可以講嘢太大聲,所以佢哋要食藥同灌水,但就唔使打針住,醫生都特登打嚟問佢哋聲帶點樣,話如果長期用聲帶就好難好番,都擔心佢哋把聲,Anson Lo都好大壓力。」
問到可會改rundown遷就他們?她表示:「所以我哋盡量分散啲人,唔使佢哋連續唱。(所以設計到佢哋盡量少講嘢環節?)都係,同埋平時大家喺節目都成日見到佢哋講嘢,所以想爭取機會畀大家睇到佢哋嘅表演,特別係Tiger、Frankie等人。」