畀仔仔上海讀書 張栢芝去學校面試過程全公開

2021年05月07日 13:02
東網電視
更多新聞短片
藝人張栢芝近日為大陸綜藝節目《讓生活好看》第二季進行拍攝,日前就被Lucas同Quintus拒絕過上海升學,不過栢芝喺節目中繼續為佢哋學業頭痛,今次節目組更將佢現身上海一間國際學校進行家長面試嘅過程公開,加上佢曾被內地媒體拍得大仔Lucas在上海返學,然後由司機及保母乘坐栢芝座駕接放學,似乎真係舉家「移民」。
節目片段中,見到栢芝正襟危坐,面對兩位老師坐佢對面,老師就問到佢作為在職媽媽,會點樣兼顧教育小朋友?栢芝就直指自己為咗仔仔做咗好多嘢,包括所有長假期都唔接Job:「因為我是單親媽媽,我不想因為我的工作會影響我兒子的學習,所以我接工作是有條件,好像聖誕節、新年、暑假等長假期,我都所有工作都不接。因為現在疫情下,他們不用到學校,有電腦就可以學習到,我才付出多一點時間工作。」
栢芝一席話令兩位老師點晒頭,似乎面試結果理想,栢芝乘勝追擊,直言自己擺小朋友學業為先,自己嘅工作為後,又大爆仔仔依家正值青春期,學校發生咩都唔同佢講:「我會比較主動的去打電話給老師、校長溝通,我通常都是這樣分配。」