個樣唔同咗？網民拆解唐詩詠雙眼皮變深之謎

已踏入40歲嘅無綫花旦唐詩詠日前為慶祝自己生日，戴上王冠封自己做女王，當時見相中嘅佢，個樣減齡唔少，被讚保養得宜。佢喺個人影片頻道晒出扮可愛表情嘅片，但唔少內地網民發現佢個樣好似唔同咗，肥咗少少之餘，更有人覺得佢雙眼皮比以前更明顯，不過亦有人覺得只係濾鏡所致，佢個樣同之前冇乜分別，叫大家唔使咁緊張咁話！