梳化出賣秘密！網友猜測湯洛雯馬國明共度甜蜜一夜

藝人湯洛雯尋日34歲生日，男友馬國明本身Hea爆留言祝身體健康，點知原來「好戲在後頭」，佢再喺社交網上載獨角獸及小馬公仔攬實獻吻嘅照片，及多個獨角獸造型的Cupcake為女友慶生，雖然女方只喺社交網上載與一班閨蜜慶生的照片，唔見有同馬國明嘅合照，但原來一切只係「煙幕」！

今日湯洛雯再度上載於5星級酒店，望住維港所影嘅性感晒腿照，寫住「第一次在111樓渡（度）過我的生日，看到四季風景，突然有雲層飄過的時候感覺好像以前坐飛機的時候，好神奇的經驗。」照片一出，網友就玩起photo hunt，指湯洛雯所坐嘅梳化同尋日馬國明晒嘅公仔照片係一模一樣，猜測兩人尋日度過「甜蜜的一夜」，而今日湯洛雯所影嘅「下身失蹤」靚相，好有可能係由馬國明操刀！

不過最搞笑嘅係張達倫留言話：「生日都要着返（番）條褲」，有網友就留言回應張達倫：「你咪理...幫佢影相嗰個鍾意見到佢咁樣。」