開工有飯煲跟身　莫文蔚開聲靠一碗白飯

歌手莫文蔚（Karen）即將舉行大型個唱，她日前接受香港開電視主播王凌燕專訪時表示：「十多年來不停做巡迴演唱會，都係以同一個模式去做音樂。我嘅個性係做一件事做到一段時間之後，就要搵新鮮嘅嘢去做。我覺得到呢個階段可以到此為止，暫停呢種模式，下次再出現可能用另一種方式。」

Karen最近跟麥浚龍一起監製新歌《因一個人而流出一滴淚》，被對方大爆錄音前要吃飯才能開聲，她笑着承認：「我無飯不歡，而且要白米飯，炒飯都唔得，食一啖熱騰騰嘅飯，就會中氣十足。（開演唱會前也要吃飯？）係，跑巡迴時有個小飯煲跟身，仲會自備白米，安排好時間，幾時化好妝，跟住食飯，又要預留時間消化，所有步驟都計算得好準。」

另外，Karen透露原本在英國的老公也會來看她的個唱：「佢一早返咗嚟，啱啱完成隔離，全程支持我。」問她會否在個唱上流出一滴淚，她笑言：「我唔輕易喊，但唔排除，今次係最後一次，不過就算流淚都唔係傷感，係感觸，都係同大家講多謝。」