網紅殺入娛圈！拍埋迪麗熱巴被狠批冇星味

有「校花女神」之稱嘅21歲大陸網紅陳沐琳，憑高顏值及好身材，加上不時玩跌膊派福利，於網上人氣高企！早前佢更殺入娛樂圈，出道拍攝內地劇集《長歌行》，與內地女星迪麗熱巴及趙露思等合作，並有大量同框對手戲。可惜佢喺劇中飾演丫鬟，紮上包包頭配中分劉海，加上淡妝示人，即被網民嫌棄「長相普通」、「冇星味」，直指與網上照片截然不同，又狠批外表慘輸同劇女明星：「明星和網紅是真的有差。」不過佢亦無懼負評，晒出戲裏戲外嘅對比照，獲粉絲大讚為角色不惜犧牲靚樣，相當專業。