MIRROR開騷　吳肇軒行過畀「鏡粉」笑

人氣男團MIRROR今晚舉行第2場九展騷，場外依舊塞滿「鏡粉」，派應援物的工作人員隨處可見。大會約於7時45分放觀眾入場，現場秩序良好，而昨日擺烏龍提早一日到場的吳肇軒，跟男友人手持正確門票現身，對記者笑言「又見面」：「追究唔到點解會發生（烏龍事），有記者朋友叫我着番同一套衫嚟，好似玩穿越咁，但我唔係嚟搞笑，我係嚟睇騷，張飛真係今日嘅日期。」續自爆?事被報道後，身邊朋友都恥笑他，就連MIRROR粉絲都笑埋一份：「啱啱行過聽到佢哋『唧』一聲笑出嚟！仲變咗移動烏龍打卡點。」最後他說專程來撐Frankie及Stanley，亦有被前者取笑：「但我冇搵佢哋，唔想阻住佢哋，我下次唔會咁烏龍㗎啦！」約於8時32分正式開騷。

另外，排隊買紀念品的「鏡粉」數量明顯比首場少，據知昨日臨近開騷賣紀念品的商店關門，原因是大會驚排隊買紀念品人數太多，阻礙到觀眾入場，故要求關門。紀念品商店今晚會開至11時，每日都會有少量現貨發售，同時網上商店亦可以訂購。