【有新劇開？】李施嬅帶埋紅酒約《金宵2》監製談「心」

藝人李施嬅雖然已經訂婚，但佢繼續約異性出嚟相聚，唔好心邪，佢只係約無綫劇《金宵大廈2》監製葉鎮輝出嚟傾嘢！為咗氣氛輕鬆啲，佢更加帶埋紅酒，一邊傾偈，一邊摸住酒杯底，幾咁Chill呀！佢留言：「同《金宵大廈2》監製有偈傾，梗係要歎番支靚酒啦。一個好有passion、好熱愛拍攝的導演監製，感恩我們的演藝路上能夠遇上。」好多網民都話希望佢哋快啲再合作，一定會擦出更大火花！