張繼聰帶謝安琪睇MIRROR！被網民踢爆有目的

人氣男團MIRROR喺九展開騷，令全城「鏡粉」陷入瘋狂，藝人張繼聰就帶「表妹」去睇騷，並上載短片話：「帶咗表妹去睇MIRROR，佢成晩好興奮！」片中「表妹」喺台下猛咁搖，聽到如癡如醉，到底「表妹」係邊個？正係佢老婆謝安琪（Kay）。

之後Kay就好興奮咁Post同MIRROR嘅後台合照，仲講說話畀老公聽：「諗住帶我去睇MIRROR演唱會，我就會好鍾意佢......Well......演唱會好好睇！多謝你哋又落力又精彩嘅演出，盡情享受你哋嘅舞台，繼續加油，繼續good show！」原來Kay做咗「鏡粉」，有網民話Kay依家有新喜好，張繼聰就可以專心玩電單車，以後就冇人煩佢，出動MIRROR氹老婆就得！