34C阿姨拍內衣廣告　仲想升一Cup！

《最後一屆口罩小姐》亞軍、化妝師阿姨（徐蒨寧），獲獎後即有廣告，身材34C的阿姨，火速獲內衣品牌睇中。獻出人生第一個內衣廣告，除了酬勞可觀，最關鍵是老公Andy擔任攝影師，夫妻檔拍住上，阿姨說：「之前拍嘅廣告係口罩，今次拍內衣廣告終於出樣，仲出多咗身材，呢輯相係比賽後就拍，比賽完咗就大吃大喝，我就唔使諗，唔可以食太多，要維持住身材。」對自己身材，滿意但講笑想有改善：「上圍寸數可以唔變，最好升一cup啦！腰就細一吋啦！pat pat都想靚啲翹啲。」