王菲貼地去音樂節跳甩帽 網友意外同偶像「合照」

2021年05月08日 13:02
東網電視
更多新聞短片
現年51歲嘅天后王菲一直都好貼地,成日都被網友野生捕獲,今次佢就帶埋閨蜜現身大陸草莓音樂節,唔少網友都可以近距離接觸到王菲,更有網友晒出意外同王菲嘅「合影」,難怪High爆!
有網友晒出音樂節台下片段,並配文:「近在咫尺的王菲和毫不知情我,也算和天后合影啦!」見到眾人喺大陸樂隊五條人嘅音樂下跳舞,王菲戴住黑色口罩正好出現喺眾人身後,唔少網友事後先發現原來自己同天后同場跳舞,玩得盡興嘅王菲與友人聊天時,仲瞪大對眼,隔住口罩都難掩興奮之情,更混喺人群中,自由自在咁狂歡!
舊年曾於同一音樂節上跌電話嘅王菲,今年就被拍得佢熱舞時跳甩帽,當佢意識到頭上頂帽唔見咗,即伸手去摸,最後更要大家幫佢搵帽,即被網友笑佢貼地得嚟仲成個少女咁。