完成小巨蛋騷抖一抖！蔡依林一人兩狗打網球好寂寞

台灣天后蔡依林日前完成一連5場小巨蛋演唱會，佢喺尾場仲摸有「台版金秀賢」之稱嘅周興哲巨胸，真係過足手癮！為演唱會辛苦咗咁多日，蔡依林終於可以抖一抖，佢着晒全副武裝去打網球，仲帶埋兩隻愛犬去。不過有唔少網民更加關心佢感情生活，有人仲話一人兩狗點打Tennis，係時候認真拍吓拖，就算玩姊弟戀都唔錯，大家都好想快啲見佢拉埋天窗咁話。