腳都震晒！鍾麗淇感恩患病大女勤力做物理治療

藝人鍾麗淇（Margaret）現身新城接受薛家燕《開心大派對》訪問，她說早前托湯盈盈給家燕姐送生日祝福，笑言很久沒有見家燕姐，擔心她不認得自己，對於近日她上無綫《日日媽媽聲》節目有得大回響，她說有時也會糾結，擔心講太多，因不想別人同情，不過昨日她出席自己機構活動，與10位媽媽做瑜伽及做分享，發覺原來好多媽媽好需要聆聽者，故希望藉着幕前工作給各位媽媽予以支持。

Margaret大女Isabella患有罕見基因病「四號染色體缺損綜合症」，透露今早帶大女做物理治療，大讚女兒說：「我女好勁，佢逼自己做到腳震晒，仲識笑，腳震代表一係運動過量，一係肌肉無力，見佢好勤力，有時付出未必一定有收穫，但我要多謝佢及畀鼓勵。細女都好體諒家姐，佢得5歲，有時係會呷醋，但佢會聽道理，我唔想逼佢，要佢負上照顧家姐責任。」

她說今日會與奶奶食飯慶祝母親節，明日正日則會工作中度過，要帶一班有特殊需要的小朋友上游泳班，由於要工作故未帶同兩女一起，但透露已率先收到兩女送她的母親節禮物，分別是貼紙花畫作和母親節卡。