差啲忘記母親節！洪嘉豪冇準備禮物

歌手洪嘉豪出席音樂活動，透露於父母威逼下學琴，沒想到長大後會成為一技之長，雖然疫情下工作量大減，需要以積蓄幫補，但也未有放棄創作音樂，有意於今年底推出EP，還首度包辦曲、詞、編、監，他說：「依家進行咗一半，希望年尾可以面世。（同粉絲平時有聯繫？）今個星期多啲，因為有舉行聚會，平時都有喺社交網傾偈。（想唔想舉行音樂會？）都想，但係希望完成咗今年音樂嘅目標先，將呢9首歌放晒入去，咁就希望下年可以成事搞音樂會。」

談到明日母親節， 嘉豪表示計劃與細佬夾錢搞邊爐慶祝：「到時會同細佬分工合作，我負責洗碗，其實今次都係細佬提我，因為今個星期太忙，差啲唔記得咗係母親節。（有冇準備禮物？）冇，媽咪唔重視物質，有孝心已經好開心。」