【余香凝師妹】文青女神林婷演SheShe情唔尷尬

文青女神林婷早前簽約新公司做余香凝師妹，密密接Job並踩入影圈拍戲，近日又為歌手Serrini的新歌《我在流浮山滴眼水.jpg》到元朗流浮山拍攝MV。歌曲講述2個女生的感情事，MV要與另一女演員Kuku演SheShe情，她直言首次拍這題材的MV既新鮮又緊張，而且今次拍攝因要在1日內經歷感情上的高低起跌，心情起伏很大︰「對我嚟講挑戰都幾大，有好多故事，2個女仔經歷6年，由朋友到同居，大家發生同經歷嘅事都好多，就要1日內經歷晒所有嘢。」

MV中林婷與對手有面貼面、擁抱及同床等親密鏡頭，她坦言很好玩，不覺尷尬，又笑言演SheShe情的安全感比與男生合作的多︰「同男仔拍可能會有少少驚或者怕醜，但同女仔感覺係會放鬆啲，同埋大家都信任對方，演時舒服好多。」她又透露拍攝時勾起不少自己拍拖時的回憶︰「今次拍攝某啲情節好感觸，例如情侶嗌交位，都會諗起自己以前拍拖時有經歷過，有代入感，演嘅時候輕鬆好多。」