《聲夢傳奇》蓮姐崩潰爆喊 扮BLACK PINK被批A貨

20210508
東網電視
更多新聞短片
無綫歌唱節目《聲夢傳奇》播出第5集,上周藍隊落敗,決定淘汰林沚羿,餘下成員繼續分做紅隊、藍隊進行第3輪比賽,他們以回合制形式對戰,總共5個回合。每個回合都有限定主音人數,而同組隊員可以用其他形式一起演出。第1回合是2對2,藍隊派出鍾柔美(Yumi)及文凱婷(Aeren)選唱韓國女團BLACK PINK的《How you like that》,2人擔任主音,與同組的炎明熹及林君蓮「蓮姐」(Kaitlyn)組成女團跳舞出戰,但蓮姐從未學過跳舞,受到極大挫折而崩潰爆喊。
紅隊則派出張馳豪(Aska)及冼靖峰(Archie)以2人男子組合迎戰唱《眼色》,排舞時他們想表達雙重人格的感覺,兩男哄得好埋,Aska笑言最頂唔順是他們哄得太近而聞到口氣,而導師周柏豪、JW及泳兒就大讚他們夠放。身為健身教練的Aska身穿西裝真空上陣,大騷肌肉,期間Archie摸對方心口,大玩HeHe。
兩組表演完後到評審環節,趙增熹讚Yumi啱唱此曲,但Aeren就不夠好,表現一高一低,張佳添直批:「一個A貨嘅BLACK PINK,有2個仲要係啞!唔係啱拍子就得,要有態度,相反男仔用自己心思、創意去做個表演出嚟,好欣賞。」最後紅隊以18對7擊敗藍隊。
第2回合是1對1,藍隊派出蓮姐唱《光年之外》,期間揀歌時與導師意見不同,搞到好亂,「奶爸」李克勤就幫手向導師衛蘭、Gin Lee及AGA反映意見,叫她們要為隊員提升士氣。表演時蓮姐明顯欠佳,舒文看完其演出後直言:「係咪有嘢發生咗?你以前有個Focus,今日係冇咗,今日嘅佢唔係佢。」搞到她在台上再次爆喊,Gin Lee亦不禁落淚,衛蘭大爆原來她狀態不佳是因為其啟蒙音樂老師過身,Eric Kwok鼓勵她在此情況下,之前要跳首開心的歌曲,現時還要出賽唱歌,已做得好好。
紅隊就派出詹天文(Windy)唱《Bang Bang》,並找來姚焯菲(Chantel)及潘靜文(Sherman)一齊跳舞,2人以女團出戰。但Chantel在正式錄影前2小時,因肚痛而不能參賽,令Windy要孤軍作戰,最終表現自信十足。克勤讚她:「咁樣唔易,比賽前有咁大改動,除咗舞步,心態上要調整,幾成功,過關。」Eric Kwok謂:「我覺得呢隻歌唔係咁唱,係再放好多!依家呢個力係啱啱好,但無論咩事,你都係好pro,好穩定嘅表演,蓮姐要學吓。」Dear Jane的Howie就鼓勵蓮姐:「我當年媽媽去世,我第2日要綵排,嗰陣不停鬧隊友,咁多年都冇道歉,你已做得好好。」最後紅隊以22對3再次擊敗藍隊。