對唐狗情有獨鍾　裕美爆愛犬唔畀林作掂

藝人裕美對唐狗情有獨鍾，兩頭唐狗女Zoe和Hazel都是領養回來，最先領養是Hazel，現年兩歲多，因為Hazel好怕人，眼中只有裕美一個，故後來領養Zoe，是希望起鼓勵Hazel的作用，她說：「試過我出埠，我放佢喺林作屋企照顧，我去咗一個星期，佢一個星期喺廁所冇出過嚟，好似全世界只得我，佢只需要我，無咗我唔知佢點算，我有諗過如果我死咗或者有乜事，佢成世就䁥埋，會好慘，所以我就領養埋Zoe，希望振奮佢。」

她說領養前先讓兩犬見面，發覺他們很夾，Zoe現時六個月大，自從Zoe出現，Hazel有很大改變，大膽不少，現在會在廳中跑來跑去，她說間中也會帶同兩犬到林作家小住，牠們與男友的愛犬Aldo亦很有火花，她笑言：「Aldo係住慣豪宅嘅狗，食嘢慢慢嚟，甚至會唔食，但依家同唐狗一齊食嘢，會跟住大家變得好珍惜食物。」現時裕美去到邊都會帶着兩隻唐狗，並會同床共枕，二人二狗在床，都頗為擠迫呢！