曾懷疑患產後抑鬱　李麗珊囡囡叫Kelly關邊個事？

去年誕下女兒豆豆的藝人李麗珊（Lisa）今年首次以母親身份過母親節，Lisa帶女兒到親子餐廳，7個月大的豆豆第一次玩鞦韆，非常開心。Lisa說做了媽媽發覺媽媽真的很偉大：「做人個女都知道媽媽辛苦，但到依家自己做咗人阿媽，好多事會為小朋友擔心，警覺性好高，所有諗嘅嘢都係同個女有關。」Lisa笑言很多人說生完小孩記憶力變差是真的。

剛誕下豆豆時，Lisa每次聽到BB哭就會情緒低落，更懷疑自己患產後抑鬱，幸好現在已適應：「尤其餵母乳會好緊張，驚BB唔夠食，見佢愈食愈多又要追佢嘅奶量，搞到失奶。但見到佢佢愈嚟愈大，臉仔脹卜卜，就好有成功感，幾大嘅辛苦同壓力都唔記得晒，覺得都係值得。」

Lisa還公布女兒中文名叫何嘉妮：「因為我同老公都好喜歡Kelly陳慧琳，所以幫女兒改英文名Kelly，中文就係嘉莉或嘉妮，因爲好多人叫何嘉莉…（注定要唱歌。）係，所以改少少，叫何嘉妮。」Lisa說只希望女兒做個簡單開心的人，不過自己有個心願，就是等女兒會說話時跟她合唱一首兒歌。