32C咪咪都「復工」！朱智賢玩「網球」誘惑

無綫咪神朱智賢最近正式復工拍攝無綫J2節目《野外步出2》，事業有起色之外，就連招牌32C「咪咪」都可以「重見天日」，繼早前佢喺社交網晒出着吊帶裙晒線頭嘅靚相後，今次佢再進一步「大解放」，以黑色一件頭泳衣上陣，不但騷出逆天長腿，最特別係佢「中門大開」，心口位置嘅魚網設計透出豐滿上圍，實行大玩「網球」相當吸睛，佢留言：「始終最喜歡都係去沙灘，陽光與海灘我至愛，上完山就下海。」