迪麗熱巴包到冚唔賣肉　照吸過100萬網民畀Like

嚟到夏天炎熱嘅日子，好多女星都會把握機會着泳衣晒吓身材，不過都仲有例外，好似嚟自新疆嘅內地女星迪麗熱巴咁，佢就一反傳統，喺社交網上載一輯包到冚嘅相，佢留話：「夏天就要可愛一點！」相中嘅佢身穿淺黃色上衣配格仔裙，紮起孖辮手揸蒲公英一臉嬌羞擺Pose，估唔到喺一片女星露肉相中殺出血路，喺短時間吸到過100萬點讚同埋留言，認真犀利！大量網民讚佢好可愛之餘，仲話佢喺夏日中的一道清泉。