黃嘉樂拍拖4周年整杯麵做禮物　出賣畫功被笑似垃圾

藝人黃嘉樂同攝影師女友Samantha唔經唔覺已拍咗4年拖，為咗慶祝周年紀念，佢哋2個就去咗整杯麵做周年禮物，見到嘉樂喺社交平台上載咗同女友整杯麵嘅相，見到2個杯麵都畫咗條代表嘉樂嘅龍，左邊個杯麵畫功明顯精美好多，右邊嗰隻龍就畫到簡直不似龍形，佢笑言：「自己周年禮物自己整，唔好問綠色嗰條龍係邊一個。」仲自嘲「畫功一流」，好友林子善即笑佢：「點解畫到成隻垃圾龍咁樣嘅？」