小鮮肉戴罩Set頭成熱話　一脫激似男神車銀優！

日前網上流傳一條片，有位日本小鮮肉戴住口罩去Set頭，佢嘅髮型師將整個過程拍低，仲擺埋上網，短短30秒即時引起網友暴動，因為個口罩都遮唔住日本小鮮肉個靚仔樣！

呢位小鮮肉戴住個黑色口罩，淨係露出對眼，怕怕醜醜咁畀髮型師幫佢Set頭，經過大改造之後，佢同日本男神坂口健太郎撞晒樣！之後呢條片，被人轉發去韓國嘅討論區，再次掀起熱話，韓國網友激讚佢似足車銀優，覺得佢係車銀優同坂口健太郎嘅混合體！呢條片上載至今，吸咗逾萬個Like，夠晒誇張！

呢件事一發不可收拾，網上仲流傳疑似係呢位小鮮肉嘅除罩相，見佢青靚白淨，個樣純過蒸餾水，有網友話佢唔做藝人就嘥晒，叫啲公司快啲簽佢！不過呢張相，係咪真係呢位小鮮肉本人？咁就冇人知喇！

----------------------------------------

世事如棋局局新，娛圈熱話數之不盡，唔想Out、唔想同班Friend冇話題？就一定要留意繽FUN專題嘅「熱話」喇！