竇驍親手戴皇冠　何超蓮30歲生日P似足求婚現場

賭王三房千金何超蓮同男友竇驍愛得甜蜜，去邊都孖公仔咁，咁啱尋日母親節原來撞正超蓮30歲生日正日（9日），似身在大陸嘅佢雖然未有返香港同媽咪一齊過，不過佢都一樣玩得盡興，約埋大批好友齊齊慶祝，仲有丁子高、孫耀威同太太陳美詩等都有到場。

見超蓮好友晒出嘅片段，就見到佢同竇驍繼續做糖黐豆，竇驍為超蓮送上鮮花兼親手戴皇冠，滿眼寵溺之情滲到出Mon，二人合照時竇驍仲忍唔住將超蓮攬入懷中錫面珠，即被網友指似足求婚現場，紛紛留言催二人快啲結婚呀！