方力申玩交友App貪浪漫　想一見鍾情！

曾獲選十大傑青的方力申今日出席本年度的選舉啟動禮，指去年鼓勵同是游泳選手的歐鎧淳參選，最後對方獲霍啟剛提名並當選，繼而自爆近日被要求推薦做今屆港姐提名人：「成日去間咖啡店見到個女仔，同佢戴住口罩影過張相，第日再去佢個同事話個女仔想我做佢提名人，但最後我推咗。（因為背負住你個名？驚除罩唔靚女？）唔係，咁我都唔識佢，陌生人咁。」

講到他於無綫節目《諸朋好友2》中自揭有玩交友App，他笑言節目一出街即收到超過10人的交友邀請：「我係用真相㗎，玩咗3、4個月，個個一嚟就問我係咪真係方力申，解釋到悶。（啲人加你係有意圖？）咁又冇。（你有冇影沖涼相、片Send畀人？）冇影，最Charm張相就係Icon相，沖涼冇化妝Charm咩呀！」

他又說玩交友App目的是為滿足自己雙魚座的浪漫心：「睇吓會唔會可以喺眾裏尋她，想試吓一見鍾情嘅感覺！（咁有冇發生？）冇！（緋聞女友陳瀅都有加你？）唔使用App都傾到偈啦佢！疫情期間真係識唔到朋友好苦悶。」