【兩代男神】謝霆鋒野生捕獲周潤發 粉絲嗌羨慕

2021年05月10日 16:04
東網電視
更多新聞短片
影帝周潤發經常於街上被人野生捕獲,估唔到今次成功「捕捉」到佢嘅,竟然係同屬影帝級嘅男神謝霆鋒!謝霆鋒於社交網晒出同周潤發嘅合照,見佢哋運動裝束上陣、戴上太陽眼鏡,並於高爾夫球場合影,除咗行山同九龍城,原來仲有其他地方可以撞到發哥!
其實兩位男神曾經喺電影《賭城風雲》合作飾演兩師徒,今次重遇再度同框,謝霆鋒都非常興奮,忍唔住抿嘴偷笑,又留言表示:「野生捕獲發哥。」而兩大男神合體嘅畫面,亦引起網民熱烈討論:「兩個型男」、「羨慕」、「我想野生捕獲你多啲」。