傳介入陳家樂連詩雅戀情　黃嘉雯主動向男友解畫

前港姐冠軍黃嘉雯在將軍澳電視城出席《2021香港小姐競選》全球招募記者會。有傳陳家樂近日背女友連詩雅與黃嘉雯秘密撻着，她受訪時說：「成件事好無稽，唔知點解會有咁嘅傳聞。（同陳家樂有冇聯絡？）冇，私下唔會聯絡。（有冇出過街？）絕對冇，都係工作先見到。我本身有男朋友，所以諗呢件事嘅人，想像力太豐富。（男友有冇問你？）冇，佢都唔識睇中文，不過，有主動同佢講，佢話呢行成日都會有呢啲嘢。」

黃嘉雯家姐早前涉嫌虐貓被捕，黃嘉雯亦受牽連被網民鬧爆，講到家姐情況，她說：「依家已經進入咗司法程序，唔方便講咁多。（你都被網民鬧爆？）明白佢哋嘅擔心、用心，我OK嘅。（有冇唔開心？）少少唔開心，希望事件快啲告一段落。」