陳樂榣疫下擴充生意　全靠囡囡嫁妝錢

前歌手陳樂榣（Ally）轉型從商成為時尚首飾設計師，在疫境下擴展位於銅鑼灣的自家品牌飾品店，日前她和囡囡Aria齊齊佩戴自己設計的晶鑽首飾拍攝一輯「520我愛您」親子相。

Ally表示每年都與囡囡影相紀念其成長，發覺女兒成長得很快，令她更望能留住兩母女童真一刻：「呢輯相就係藉着親自設計嘅首飾說愛你。」又自爆首飾店的擴充資本，笑言是預支囡囡的嫁妝錢作投資，所以囡囡才是「幕後老闆娘」，更要積極開拓生意網絡及準備進軍馬來西亞及內地市場向囡囡作交代，她又說：「囡囡好有做生意潛質，偶爾到舖頭都會主動招呼人客，有時我做網上直播，佢比我更受歡迎，經常都被網民追問Aria會唔會出現，我真係有啲呷醋。」

同時她亦嘉許圈中3位多功能「斜槓媽媽」，包括雨僑、黃婉曼及「小飛俠」林燕玲，她指：「佢哋既能照顧家庭，又可以兼顧唔同身份，做得好出色，所以送咗首飾畀佢哋。」雖然其生意忙到甩轆，但堅持會照顧好家庭，每朝陪女兒返學，又要返電台主持節目，她說：「要多謝老公Donald喺背後大力支持我。」