麥貝夷打拳宣洩壓力 手腳瘀傷誤會被家暴

2021年05月10日 20:12
東網電視
更多新聞短片
歌手麥貝夷早前受情傷而情緒低落,經好朋友及粉絲開解下多外出接觸新事物,情況有所改善,日前出席亞視體育拳擊節目《KF1百萬拳王》現場睇拳賽。她說一直有做運動嘅習慣,平時每星期都有定期去跑步、做Gym及做瑜伽,近兩個月更對打拳開始感興趣:「都市人難免會有壓力,我通常都揀啲一個人可以做到嘅運動減壓。最近有機會接觸到打拳,一試之下覺得打拳好耗energy,又可宣洩平時壓抑嘅情緒,出一身汗感覺好好。」
問到可會當「壞男人」當沙包打?她說:「唔係,之前做嘅運動屬於輕盈啲,依家試啲重型啲嘅運動,反而做完之後身心都放鬆咗好多,好似以力量宣洩晒屈住喺裏面嘅怨氣出嚟咁,雖然打拳打到手腳瘀傷,有啲朋友仲笑我係咪畀人家暴,但想接受新挑戰,唔會成日匿喺屋企。」